ജപ്പാന്‍ ഒരു വര്‍ഷത്തിനു ശേഷം . . .

2012  മാര്‍ച്ച് 11,   ഒരു വര്‍ഷം തികയുന്നു . . . ലോകത്തെ നടുക്കിയ സുനാമിയും തുടര്‍ന്നുണ്ടായ ആണവ ഭീതിയും ഇന്നും ആരും മറന്നിട്ടുണ്ടാവില്ല. കൃത്യം ഒരു വര്‍ഷം മുനബ് ജപ്പാന്‍ സമയം ഉച്ചക്ക് 2 : 46 നു തലസ്ഥാനമായ ടോക്യോവില്‍ നിന്നും നാന്നൂറ് കിലോ മീറ്റര്‍ അകലെ ടോഹോകു തീരത്ത്  പസിഫിക് സമുദ്രത്തില്‍ ഇരുപതു മൈല്‍ താഴ്ചയില്‍ ഉടലെടുത്ത ഭൂകമ്പം നാശം വിതച്ചത് ഒരു ജനതയുടെ ഇച്ചാ ശക്തിയുടെ മുകളില്‍ ആയിരുന്നു. 

 (Photo Courtesy)

റിച്ചര്‍ സ്കേലില്‍ 9.0  അടയാളപെടുത്തിയ പ്രക്രതി വിപത്ത് 1800 നു ശേഷം റെക്കോര്‍ഡ്‌ ചെയ്തതില്‍ വെച്ച് ഏറ്റവും വലിയതും, ആണവ വികിരണം ചെര്‍ണോബില്‍ ദുരന്തത്തിന് ശേഷം ഉണ്ടായ ഏറ്റവും ഭീതി ജനകമായ മനുഷ്യ നിര്‍മിത വിപത്തും ആണ്.

15,846 — മരണം .

3,320 — മിസ്സിംഗ്‌ .

240 — അനാഥര്‍.

ഒരു വര്‍ഷത്തിനു ശേഷം ജപ്പാനിനു എന്ത് സംഭവിച്ചു എന്ന്  ഈ ചിത്രങ്ങള്‍ നമുക്ക് പറഞ്ഞു തരും.

 

Photo Courtesy & More Photos

ഫുകുഷിമ ആണവ നിലയത്തിലെ ചോര്‍ച്ച അനലൈസ് ചെയ്ത ശാസ്ത്ര വിഭാഗം റിപ്പോര്‍ട്ട്‌  ജപ്പാന്‍ ജനതയ്ക്ക് ആശ്വാസം ഏകുന്നതാണ്. 1986 ലെ ചെര്‍ണോബില്‍ ദുരന്തത്തില്‍ ഒരു വര്‍ഷത്തിനിടെ മരിച്ചത് 28 പേരാണെങ്കില്‍ ഫുകുഷിമയില്‍ വികിരണം മൂലം മനുഷ്യന്റെ ശരീരത്തില്‍ ഉണ്ടാകാവുന്ന രോഗത്തിന്റെ ഒരൊറ്റ കേസ് പോലും റിപ്പോര്‍ട്ട്‌ ചെയ്തിട്ടില്ല എന്നത് ആശ്ചര്യത്തില്‍ ഉപരി ആശ്വാസം നല്‍കുന്നു, പ്രതീക്ഷയും.

             
50000  സര്‍വ്വ സന്നതരായ വളന്റീര്‍മാര്‍ ഇരുപത്തി നാല് മണിക്കൂറും ഉണര്‍ന്നു പ്രവര്‍ത്തിച്ചു. നാലില്‍ മൂന്നു പൌരന്മാരും സഹായം വിതരണം ചെയ്തു. ജപ്പാന്‍ റെഡ് ക്രോസ്സിനു മാത്രം  നാല് ബില്ല്യന്‍ സഹായ ധനം സ്വരൂപിക്കാന്‍ കയിഞ്ഞു. കാര്‍ വിപണിയിലെ ഭീമനായ ടൊയോട മാന്ദ്യത്തില്‍ നിന്നും കര കയറിയപ്പോള്‍ സഹായിച്ചത് സുനാമി ബാധിത പ്രദേശത് ഒരു പുതിയ ഫാക്ടറിക്ക് തറ കല്ലിട്ടാണ് . അടച്ചു പൂട്ടിയ നൂക്ളിയാര്‍ പ്ലാന്റിന് പകരം സോളാര്‍ എനെര്‍ജിയും കാറ്റാടി യന്ത്രങ്ങളും പ്ലാന്‍ ചെയ്യുന്നു. 245 ബില്ല്യന്‍ ഡോളര്‍ പാക്കേജ്  വകയിരുത്തി. സ്റ്റോക്ക്‌ മാര്‍ക്കറ്റ്‌ "നിക്കി" കയിഞ്ഞ അന്പതിനാല്  ആഴ്ചയിലെ തായ്ച്ചയില്‍ നിന്നും നവംബര്‍ മാസം  20 % ഉയര്‍ന്നു തിരിച്ചു വരവ് നടത്തി.

ഇതേ പോലെ ഒരു ദുരന്തം നമ്മുടെ നാട്ടില്‍ ആണെങ്കില്‍ എന്താകുമെന്നു നമുക്ക് ഊഹിക്കവുന്നതെയുള്ളൂ, നമുക്ക് മുന്നില്‍ ഭോപാല്‍ ഒരു ഉദാഹരണമായി കിടക്കുന്നു.  ജനങ്ങള്‍ കാഴ്ചക്കാരും, ഭരണം നിയന്ത്രിക്കുന്നവര്‍ നോക്ക്ക്കുത്തികളും  ആകുന്ന നമ്മുടെ നാട്ടില്‍  എങ്ങിനെ ഒരു ദുരന്തത്തെ  നേരിടണം എന്ന് വീണ്ടും വീണ്ടും ജപ്പാന്‍ കാണിച്ചു തരുന്നു.

ജപ്പാന്‍ പ്രധാന മന്ത്രിയുടെ വാക്കുകള്‍ കടമെടുത്താല്‍. . . .

"We will not forget the loved ones, friends and colleagues lost in the disaster. Nor will we forget the outpouring of support and international expressions of solidarity that Japan received. For this, we feel deeply indebted and forever appreciative.

Japan has made remarkable progress over the past 12 months. Today we renew our commitment to learn from the great difficulties we have faced. I firmly believe that this period of difficulty must, and will, come to mark the start of a full-fledged revitalization of Japan.

In recent history, Japan seized rapid economic expansion from the ashes and desolation of World War II, and we built the most energy-efficient economy in the world in the aftermath of the oil shock. On the anniversary of the Great East Japan Earthquake, we remember that today we face a challenge of similar proportions. Our goal is not simply to reconstruct the Japan that existed before March 11, 2011, but to build a new Japan. We are determined to overcome this historic challenge".

ഒരുപാട് കാര്യങ്ങള്‍ ചെയ്തു തീര്‍ക്കാന്‍ ഇനിയും ബാക്കിയുണ്ട് . . .

പക്ഷെ, അവരുടെ ഇച്ചാ ശക്തിയെ തോല്‍പ്പിക്കാന്‍ പ്രകൃതിക്ക് കഴിയില്ല . . . അവര്‍ക്ക് തോറ്റു കൊടുക്കുന്ന മനസ്സല്ല, നോക്കു കുത്തികളായ നേതാക്കള്‍ അല്ല, ചെളി വാരി എറിയുന്ന പ്രതിപക്ഷം അല്ല, മതത്തിന്റെ പേരില്‍ തമ്മില്‍ തല്ലുന്ന ജനങ്ങള്‍ അല്ല ..... അതുകൊണ്ട് തന്നെ ജപ്പാന്‍ തിരിച്ചു വരും ...... പൂര്‍വ്വാതികം ശക്തിയോടെ ... 

കൊയിഞ്ഞു വീണ പൂക്കള്‍ തിരിച്ചു വരില്ല . . .ദൂരെ, നമുക്ക് അവര്‍ക്ക് വേണ്ടി പ്രാര്‍ഥിക്കാം  <3